#Яңы_йыл_кисәһе #Новогодний_вечер#Төрөмбәт_дөйөм_белем_биреү_мәктәбе #5_9кластар

Белем усағыбыҙҙа шаулап-гөрләп 5-9 кластар өсөн Яңы йыл кисәһе үтте.Түренә ҡупшы шыршы ҡунаҡлаган йәмле залда билдәле ваҡытта олоһо, кесеһе урын алды. Ярты йыллыҡҡа йомғаҡ яһап,уҡыу,спорт алдынғыларын, йәмәғәт эштәрендә әүҙем ҡатнашҡан уҡыусыларҙы билдәләп үткәндән һуң, 9 синыф әҙерләгән мажаралы тамашаға сират етте. Әкиәт һәр ваҡыттағыса, яҡшылыҡтың,изгелектең еңеүе менән тамамланды. Кисәлә балалар ысын күңелдән шатланды,уйнаны ,бейене,йырланы.Тамашасылар һәр концерт номерын көтөп алып,ихлас алҡыштарға күмде.
Яңы йылда һәр кеше мөғжизәгә ,якты киләсәккә ышана, изге теләктәр теләй. Ошо теләктәргә ҡушылып, барығыҙҙы ла Яңы йыл менән ҡотлайбыҙ. Ул һаулыҡ, яҡшы башланғыстар ,бар эшкә ижади ҡараш, дәрт-дарман алып килһен!Ғаиләләребеҙ имен,илебеҙ ,күгебеҙ тыныс булһын! Яңы йыл менән, дуҫтар!