”Шоңҡар” журналы редакцияһы сайтынан:

« Әле генә Рәшит Назаровтың тыуған ауылы Төрөмбәт мәктәбендә “Йыртып астым күкрәгемде…” Интернет видео-конкурсында еңеүселәр һәм ҡатнашыусыларҙы бүләкләп ҡайттыҡ. Улай ғына ла түгел әле, ҡосаҡ тултырып яңы көс, дарман, илһам күтәреп ҡайттыҡ.”Шоңҡар” журналы редакцияһынан диплом, иҫтәлекле бүләктәр алыу менән төрөмбәттәр, талбазылар һәм Ғафури районы Красноусол башҡорт гимназия-интернаты уҡыусылары ҡыуанышып бөйөк шағирҙың шиғырҙарын һөйләп ишеттерһә, уҡытыусылар иһә рәхмәт һүҙҙәрен еткерҙе. Рәшит Назаровты иҫкә алып, тантана ҡунағы – Башҡортостандың халыҡ шағиры Ҡәҙим Аралбай уның хаҡында хәтирәләр менән уртаҡлашты, туған телебеҙҙә ойошторолған һәр сарала мәктәп уҡыусыларының күмәкләп ҡатнашыуын теләне. Мәктәптә булдырылған Рәшит Назаров музейын тамаша ҡылдыҡ. Яңы ғына табанан төшкән фотоларҙы һеҙгә лә өләшәбеҙ! Рәхмәт, төрөмбәттәр!»

Тулы фоторепортажды ҡарар өсөн http://vk.com/album-77508292_206404848 һылтанма буйынса үтегеҙ)