Йәйләүҙең 20-се көнө "Хәтер көнө". 1941 йылдың 22 июнь таңында немец фашистары илде бомбаға тота башлағас та, сик буйы гарнизонының тере ҡалған өс мең ярым кешеһе дошмандың 18 мең һалдатына ҡаршы үлемесле алыша. Немец тарихсылары яҙыуынса, һөжүм итеүселәр фанатик рәүештә алышҡан совет һалдаттары тарафынан ныҡ ҡырыла. Фашистар ҡәлғәне 8 сәғәт эсендә алырға күҙ аллаһа ла, беҙҙең 30-ҙан ашыу милләт кешеһенән торған ярым тере һалдаттар ике ай буйына аҙыҡһыҙ- һыуһыҙ тиерлек йәндәрен аямай һуғыша.. “Шулай башланып киткән был аяуһыҙ һуғышта халҡыбыҙ еңеп сыға. Һуғыш башланған көн 1996 йылдан бирле Хәтер һәм ҡайғы көнө тип билдәләнә. “Хәтер” китабында беҙҙең Ауырғазы районынан ғына һуғышта һәләк булған, хәбәрһеҙ юғалғандарҙың һаны 7264 кеше. Шуларҙан 162 кеше беҙҙең Төрөмбәт ауылынан. Мәктәп музейенда тарих уҡытыусыһы Танңсулпан Ғилметдин ҡыҙы балаларҙы Һуғышта ҡатнашҡан ҡарт ҡартаталары , бабалары менән таныштырып үтте .