19 октябрҙә Төрөмбәт дөйөм белем биреү мәктәбендә «Башҡортостан-дуҫлыҡ иле, һәр бер милләт- уның гөлө!” исемле байрам уҙғарылды. Сарала 1-9 класс уҡыусылары һәм ата-әсәләре актив ҡатнаштылар. Байрамға немец, урыҫ, сыуаш, татар халыҡтары килгәйне. Төп халыҡ- башҡорттар уларҙы бауырһаҡ менән ҡаршы алдылар. Һәр милләт үҙенең йыр-бейеүгә, аш-һыуға маһир икәнлеген күрһәтте. Балалар башҡорт халҡының “Косилка-молотилка”, “Наза” уйындарын уйнап күңел асты. Байрам өҫтәл артына ултырып, күңелле сәй эсеү менән тамамланды.