9 июндә мәҙәниәт һарайында Халыҡ-ара бейеү көнөнә арналған сағыу тамаша үтте. Бына шаршау асыла… һәм ана ул – мөғжизәле донъя! Бейеүҙәрҙең ниндәй генә төрө ҡуйылманы был көндө, балет һәм эстрада бейеүҙәре лә, халыҡ һәм классик, спорт стилендәге, боронғо һәм заманса ла, талғын йәки дәртле бейеүҙәр сәхнәлә бер-бер артлы алышынып ҡына торҙо. Был сағыу тамаша дәртле дискотека, флешмоб, уйындар менән тамамланды.
|