20 апрелдә Толбазы ауылында «Урал батыр»
эпосын яттан башҡарыусылар
бәйгеһе үткәрелде. Беҙҙең
команда составына эпосты яратып өйрәнеүсе уҡыусылар инде.
Бәйге өс турҙан ғибарәт: эпосты ятҡа һөйләү,
викторина һорауҙарына яуап биреү, әҫәрҙе сәхнәләштереү.
I турҙа беҙҙең
Ильясов Азат (100 юл)
Сәйфетдинов Дим (150 юл)
Ҡотлоәхмәтова Эльнара (200 юл) ҡатнашты.
II тур — викторина һорауҙарына яуап биреүҙә VII класс уҡыусыһы Билалов
Айнур көсөн һынап ҡараны
һәм лайыҡлы рәүештә II
урынды алды.
III тур — әҫәрҙе сәхнәләштереүҙә команданың
бөтә ағзалары ла ҡатнашты.
Улар үҙҙәрен ысын
артистар итеп күрһәтте. Сәйфетдинов Димгә был төр ярышта I урын бирелде.
Ә IX класс укыусыһы Хәсәнова Нурзидә
ярышта әүҙем ҡатнашҡаны өсөн рәхмәт
хаты менән бүләкләнде.
Дөйөм мәрәйҙәр буйынса беҙҙең мәктәп
командаһы I урынға сыҡты.
Әлеге ваҡытта был уҡыусылар эпосты
һөйләүселәрҙең республика
күләмендәге бәйгегә әҙерләнә.
Уларға уңыштар теләйек! |